繼7月的「寫真戰」及上月初的「攻日戰」後，o靚模身價大執位！「o靚界女神」Janice Man（JM）轉型，加盟黎明公司後，騷價由原先5萬跳升到7至8萬，擺明要在市場上搶回失地，分一杯羹！可惜榮升「模Art」的她為「升呢」脫離「o靚模」行列，有傳公司不容許她與其他o靚模同場，故不惜推掉大量工作，令強勢攻日的Angelababy更容易穩固其「一姐」地位！

周秀娜拋胸力追

自從Baby簽約日本avex後，騷價已由5萬跳升至8萬，又殺入電影圈接拍《矮仔多情》，片酬更高達30萬。有電子產品公司最近有意邀她擔任代言人，她開出100萬元酬勞，身價直逼「天王嫂」級數！

此外，靠「谷胸」上位的周秀娜（Chrissie）以60萬身價成為美容公司代言人，加上工作認真肯搏肯性感，出騷價由3.8萬升至5萬，片酬亦升至15至20萬，而Kama的騷價同樣由3.8萬升至5萬。至於「八模兵團」的A. Lin、DaDa、Annie G.、Anjaylia及Evelyn身價亦有上升，其中A. Lin成為廣告界新寵後，騷價即倍升，由1萬升上2萬，其餘成員都由8千升至1.5萬不等，DaDa、Anjaylia及Evelyn代言服裝各袋約20萬，以新人來說，酬勞已不俗！

雖然Baby經理人Kim強調模特兒身價是秘密，但對於Baby「升呢」開100萬代言酬勞，她說：「100萬代言好合理，唔過分，Baby喺香港同日本成績有眼睇，雖然佢片酬仲係合理嘅新人價，但遲啲一定唔止。」而Chrissie經理人Roy亦大方承認推出寫真集後，Chrissie與「八模」身價各有上升，但Chrissie的代言價則未逾7位數字。