許紹雄（Benz雄）同黃子華開補習社已經唔係咩秘密，出面有傳Benz雄豬籠入水，有「綠葉王」之稱嘅佢除咗勁多戲拍之外，間補習社啲學費仲貴人幾倍！
小小So：你間補習社收咁貴，仲未回本咩？
許紹雄：蝕足兩年錢你哋唔知啫！我哋所有老師都係新加坡請返嚟，邊有錢賺？你估開茶餐廳咩！我個女又讀新加坡國際學校，啲學費唔嘢小！賺埋都唔夠畀呀！
小小So：啲學生係咪同你個囡囡一樣讀新加坡國際學校？
許紹雄：有80%都係，唔單止我個女，其他同學啲成績都好咗好多。
小小So：咁你個囡囡依家啲成績點樣呀？
許紹雄：頭嗰兩年都冇問題，三年班就唔掂啦！佢哋新加坡啲數學深過香港兩年！
Benz雄猛咁澄清，話之前間補習社所以話蝕本，最近先啱啱收支平衡，做人老竇認真唔易！