陳淑儀（Phoebe）的第一份模特兒工作，是於07年動漫節當宣傳女郎，首次登場已大受宅男歡迎，她說：「我哥哥嘅朋友有間模特兒公司，我只係幫其中一個動漫嘅攤位着住制服做宣傳，後來竟然被選為最靚嘅動漫女郎，當時仲係由動漫Maggie（李曼筠）頒獎畀我。」

陳淑儀表示若有機會再拍劇，恨演苦情角色。	放大圖片	陳淑儀（左起）、詩雅和Mandy Lieu合作《盛裝舞步愛作戰》。資料圖片

拍MV抓傷Edmond

在動漫節上一鳴驚人的Phoebe，坦言當時只抱着玩票心態，沒想過有如此大回響，其後竟獲無綫邀她擔任遊戲節目主持，可惜因她不在港而錯失機會。但幸好機會再次來臨，Phoebe被無綫邀請拍攝《四葉草》系列，當時她正修讀大學，餘閒時在哥哥的公司幫忙，是個不錯的兼職及經驗。

首次接觸電視圈的Phoebe，天真地以為拍戲很容易，她說：「試過先知唔簡單，只係一個鏡頭已經要反覆拍攝好多次，好在我唔係好多對白，所以都OK。」Phoebe表示如果有機會，下次希望嘗試苦情角色。

另外，Phoebe曾擔任不少MV的女主角，最難忘是與梁漢文（Edmond）拍攝MV《自作聰明》，她怕醜地說：「我好鍾意佢嘅歌，喺MV入面我做佢女朋友，我仲要主動攬住佢。佢好好人，個樣好後生，我哋仲有傾偈添！」拍攝期間，卻發生了一段有趣的小插曲，當Phoebe攬着Edmond，雙手握住對方的手臂時，Edmond竟大叫，原來他的手臂受傷，但Phoebe未有留意。

Profile

姓名：陳淑儀（Phoebe）

出生日期：1985年5月21日

身高：167cm

體體：105磅

三圍：32C、23、34

曾拍MV及電視劇：梁漢文《自作聰明》、黃伊汶《自己》、EO2《舞林大會》、《四葉草》第二及第三輯