名模姚書軼（Mikki）每次出席花生騷都打扮得雍容華貴，必定穿上高踭鞋亮相，但私底下她最喜歡穿平底鞋及鬆身衫：「潮流就算興咩，都要着得舒服先得，我好鍾意着呢款鬆身嘅男裝恤衫，因為質地好涼爽同舒服，最啱夏天着！」
其實不少外國名模平日都愛Casual打扮，但簡約中都會加點潮流元素，像Mikki身穿的摺腳牛仔褲，便是她的最愛：「我真係好鍾意着呢款Roll腳嘅牛仔褲，因為無論襯高踭鞋、平底鞋、Boot或者Ankle Boot都一樣咁好睇，如果着對黑色絲襪喺裏面，即時又有另一個Feel，上身襯咩衫都得，要型啲可以襯短身皮褸，要Casual就可以好似我依家咁襯，變化其實可以好多o架！」
專案組
