樂基兒、劉心悠、林嘉欣及徐濠縈等最近以「Big Love」為主題，分別設計慈善Tee，為四川地震災民籌款。昨日劉心悠、農夫及G.E.M.於又一城出席義賣日，心悠以熊貓表達愛心：「原本我想寫字，不過驚會娘，所以畫咗隻代表四川嘅熊貓！」

樂基兒與黎明愛得癡纏，令人羨慕！資料圖片

劉心悠與農夫簽名不忘嬉戲，看來十分投契。

至於出名扮金魚嘴的G.E.M.，則在慈善Tee上畫了幾條金魚。她表示讀書時最差的科目是美勞及家政，問到曾揚言25歲結婚的她，怕不怕廚藝差而嚇走男生？她笑言還有7年時間練習：「將來結婚唔識煮飯，唔係咁好囉！媽咪煮嘢麻麻，反而爹哋叻啲！（女仔最緊要學煲湯！）開罐頭同叮叮湯咪得囉！」

樂基兒憑衫寄意

另外，樂基兒則把感情投射到設計上，以線條勾畫出一男一女纏在一起，令人聯想畫中人正是她與黎明（Leon）！另一方面，身為Leon契爺的胡楓，昨日出席活動時被問到有契新抱會否開心？他即扮傻問大家是否指張學友？但隨即開心地說：「我見過樂基兒，佢皮膚好白，我畀100分佢，希望佢哋快啲生BB！」