本文重點
影帝周潤發（發哥）演技精湛，是很多戲迷的偶像，亦是不少藝人的學習對象！馬國明跟大家無異，自小就是發哥的粉絲，無非被他那爐火純青的演技折服：「發哥演乜都得，做英雄有英雄嘅氣概，做Mark哥有Mark哥嘅風度，做船頭尺有船頭尺嘅心思！佢嘅演技好生活化，可以話係Perfect！」
談到首次看發哥的劇集，馬國明即眉飛色舞：「我第一次睇發哥嘅劇集就係《上海灘》，嗰時我當然唔知乜嘢係演技，不過佢真係太有型，推開教堂搵馮程程嗰幕實在經典，而最後被槍殺嗰幕就更加係Legend！」
欣賞赤子心
不過，馬國明最欣賞發哥的不是演技，而是他待人處世那份赤子心：「發哥貴為國際巨星，不過一啲架子都冇！有時聽TVB啲幕後講發哥不時約佢哋食飯，完全唔會Call記者，冇話搞新聞，佢待人嘅熱誠好值得學習！可惜入行以嚟，我都無緣見過發哥！」