子珊入行5年，與馬國明因一場人工呼吸戲鬧出戲假情真，而她與金句天王黎明拍廣告而傳緋聞，兩樁緋聞同樣不了了之。她表示因工作關係認識新朋友的機會不多，身邊的異性朋友年紀與她相若，而男士的思想和年齡都不成正比：「我唔想拍拖似湊仔咁，要照顧番佢轉頭呢！所以不如將心思放喺事業度先。」

冇拖拍的徐子珊，專注樂壇搏殺。	子珊未計劃何時結婚，因她喜歡人生充滿驚喜。	徐子珊抗拒與圈中人拍拖。

樂壇瞓身搏殺

子珊的劇集一套接一套，早前拍劇過度疲勞入院，但她仍要在樂壇瞓身搏殺。對於拍拖，子珊沒有刻意多想：「最緊要係唱片嘅事，唱片完咗，又開始拍劇，仲邊有咁多心神去拍拖！（冇愛情滋潤好Dry？）可能冇心神去諗，反而好輕鬆冇乜嘢！」

至於擇偶條件，子珊坦言首要是思想比她成熟，其次一定不能是圈中人：「唔好同一個圈啦，我想喺佢身上學到唔同嘅嘢，所以要結婚都會揀圈外人。」子珊雖予人事業型的感覺，但她透露若將來結婚，必定退出幕前，專心做「太太」。問到最希望何時嫁人？子珊笑說：「我又唔會定期限喎！從來做嘢都冇定過計劃，好似冇諗過選美，又去咗選美，冇諗過拍戲同唱歌，點知又做咗，我鍾意自然咁發生，人生先有驚喜！」