模特兒出身的Mandy Lieu入行多年，首次有機會任電視台主持，以其見慣精品靚嘢的專長，大談時尚新事，並介紹最新吃喝玩樂好去處，她說：「原來拍電視節目可以咁開心，有呢個機會好幸運，每日開工都好好笑，同成班工作人員好夾，完全唔同行天橋，淨係將啲靚嘢放喺身上。」提到最難忘的經歷，她說：「我有機會去試限量版珠寶，了解珠寶設計嘅理念，仲知道咗邊個幫英女王設計登基鞋，我覺得識多咗嘢，連同男友講嘢都多咗話題。」

工作輕鬆冇壓力

男友陳柏霖大力支持Mandy試做主持，事實上主持這個節目後，令兩人間起了微妙變化，她說：「我一見到新嘢就打畀佢，然後就一齊討論，無形間多咗好多話題。」不懂中文的她背稿會否請教男友？她表示由於製作形式特別，雖然做主持，但Mandy要背的稿不多，只需輕鬆地暢談感受，而且她有助手幫忙翻譯，故壓力不算大。 文：影視組