藝人經常捱夜，自然容易染病，日前陳偉霆（William）、洪卓立（Ken）及組合HotCha擔任烹飪比賽的表演嘉賓，William及Ken一臉倦容到場，Ken表示早上醒來，雙眼感到突然刺痛並不停流眼水：「依家要不停滴眼藥水先得！我知William都整親手，成日又病又傷！」

HotCha自爆三人輪流生病，但強調不是豬流感。

William（左起）、Ken及HotCha抱病上陣，但未有影響演出水準。

被玻璃樽傷手

最近William忙於為電影《死神傻了》開工，他說：「因為大部分喺夜晚拍，都間住通宵咗幾日，尋晚由6點拍戲到朝早11點，仲要拍打戲，搞到依家好想嘔！」他透露該場講述他與C君打交，期間有人用玻璃樽扑C君的頭：「因為我要箍住佢條頸，雖然啲玻璃係搪膠，但係我哋都被啲碎片傷，我就整損手指、C君就整損頸同頭。（好暴力？）我都覺，所以我有問導演會唔會太激，佢話計過啱啱好唔會變三級！（多戲拍？）都多咗導演搵我，真係好開心！不過我唔會只係拍戲，會平衡番唱歌。」雖然身心疲倦，但他們仍堅持工作，不希望錯過任何機會。而HotCha亦自爆三人輪流生病，交差感染，但強調不是豬流感。