問到進化成「孖膶腸」的經過，Kaki笑說：「真係好誇張㗎！係一次過咁生成十幾粒喺嘴唇入面，腫晒都算喇，最慘係痛到完全食唔到嘢。我份人又好為食，撞啱生飛滋嗰幾日，個個都約我去打邊爐，搞到有得睇冇得食，見到朋友個個食得咁開心，自己就得碗白飯或者白粥送青菜，真係好命苦！」Kaki笑言由於教訓深刻，所以往後即使面對深愛零食，都不會放肆吃得太多，以免再次「禍從口入」。