王祖藍弟弟王亦藍（阿斌），數年前在機緣巧合下加入娛樂圈，最近更擔正主角，與廖啟智合演獨立電影《三條窄路》。回想入行經過，阿斌笑謂純屬巧合：「嗰時我成日喺文化中心跳舞，有日有人叫我同成班跳舞Friend去張艾嘉度試鏡，唔知係咪佢哋覺得我唔怕醜呢，所以嗰次試鏡成功過關。」雖然阿斌入行並不是哥哥祖藍推薦，不過也是挾着祖藍弟弟之名加入娛樂圈，問到阿斌的看法，他說：「有好有壞啦！好嘅係會有人留意，唔好嘅係我唔想啲人因為阿哥先留意我。」

祖藍自言演技浮誇，卻大讚弟弟亦藍具爆炸力。	亦藍表示對娛樂圈甚感興趣，全因受爸爸影響。	王亦藍在《三條窄路》中做男主角。

受父親薰陶

阿斌表示與哥哥祖藍均對娛樂圈感興趣，全因受到已去世的爸爸影響：「我哋阿爸好玩得㗎！我同阿哥不知不覺受咗佢影響，鍾意喺朋友圈裏面搞氣氛，或者因為咁，所以大家都咁有表演欲啩！」而祖藍對細佬勇闖娛圈充滿信心，還為阿斌靠自己實力入行感到驕傲：「佢同我完全唔同類型，會搵佢做戲嘅人唔會搵我，因為嫌我浮誇咯！哈！佢係好有爆炸力嘅演員。」