幾經波折才與丁子高有情人終成眷屬的楊千嬅，想不到結婚剛滿一個月，又要面對新的考驗。千嬅前晚與「BB」丁子高（Real）分別出席《Max Mara2009秋冬時裝表演》及手錶活動。早前曾公開承諾賺錢養老婆的Real透露，隨時移師上海發展新公司，千嬅亦隨時要為愛郎化身「空中飛人」：「點安置千嬅？佢咪兩邊飛囉！大家各有事業好啫！」

丁子高表示要去上海發展，與千嬅隨時分隔兩地。

千嬅在台下看着「老闆娘」樂基兒行騷。

老公曾避走上海

他還透露早前因感冒瘦了五磅，亦坦承婚前因不堪外界的壓力而避走上海：「傳媒咬住唔放，爸爸都問我發生咩事。」但現在已雨過天青。問到千嬅表示不會減少拍親熱戲，Real大方表示不介意。

另一邊廂，千嬅昨日以嘉賓身份睇時裝騷，問到老公成功戒煙是否想生BB？她說：「佢為條命，依家最趕急係做埋隻新碟，擺酒要做埋明年演唱會先搞。（個唱後即生BB？）話唔到事，唔係話有就有。（請教陳慧琳？）都OK。」由於千嬅穿上鈄膊束腰連身裙，即惹起懷孕疑雲，抵死的她即場喪「Un」力證「冇餡」，她笑說：「又要再跳過，聽日真係要搵師傅學打側手翻，以後打觔斗出場唔使講嘢。」

不介意拍親熱戲

此外，本月底拍新戲的千嬅被問到婚後會否錫身？她說：「唔會，會聽導演要求。（床上戲都拍？）如果覺得我靚都冇計，通常都唔會考慮我。（床戲睇有冇身材？）更加唔會搵我啦！」問到邀請兩公婆出席活動會否提高酬勞？千嬅說：「問經理人。」