模特兒出身的呂慧儀，憑出眾外表參選港姐，未入圍已成為熱門人選，因她擁有5呎9吋高的Model身材，以及44吋煞食長腿！呂慧儀直言長腿令她信心大增，並視之為「武器」，她說：「我當咗雙腿係生招牌，除咗行Catwalk騷嗰陣可以晒美腿之外，平時我都鍾意着短裙，展現自己最靚嘅一面。」
優點千中無一
用心良苦的她果然收到成效，拍劇時亦因角色經常騷腿關係，因而被封為「長腳蟹」，人氣急升，她說：「要多謝阿媽生得我對腳咁長，讀書嗰陣做身體檢查，醫生都話我嘅身高係千中無一，但係都有利有弊，因為鶴立雞群，所以去街都好引人注意，點都好，我好為自己嘅長腿自豪！」
