09/09/2009

播放本新聞相關短片

苟芸慧賣甜拒性感

本文重點
應屆中華小姐冠軍茍芸慧被指貌似台灣性感女神林熙蕾,但她堅拒走性感路線,反而想靠甜美突圍!

對於被指貌似台灣性感女神林熙蕾,茍芸慧表示不介意:「仲有人話我似陳茵媺同林嘉欣,話似邊個都冇所謂,因為全部都係是靚女。(學林熙蕾咁性感?)我唔會着好少衫,平時大家會覺得我Sweet啲,但又唔係電男仔嗰種。」一直長居多倫多的苟芸慧來港僅數月,最不習慣香港人急促的生活節奏,她說:「香港人做乜都好快,我試過坐地鐵上扶手電梯,掛住聽佢廣播三種語言叫大家緊握扶手,點知電梯行得太快,未聽完已經到咗,我笑到差啲跌倒。」

唔心急拍拖

苟芸慧對香港男士印象不差,但暫時未考慮拍拖,她笑說:「我廣東話仲有啲唔正,有人話搵個香港男仔拍拖會學得快啲,但我覺得呢個想法唔正確,我依家係單身,但已決定咗同TVB談戀愛,呢幾年會成副精神放喺工作上。」

原本在多倫多任職經理的苟芸慧,去年毅然放棄高薪厚職參加選美,今年初成為國際中華小姐冠軍,她直言是為圓媽咪心願:「我哋一家人都信基督教,以前媽咪反對人選美,但最近佢放開咗,話以前有人叫過佢做Artist,但最後揀咗嫁畀我Daddy,平平凡凡過一生,可能佢有啲後悔,所以等我完成佢嘅夢。」最近苟芸慧輸給陳法拉,失落Laughing嫂一角,但她認為是個好好的學習機會:「冇失望,反而覺得法拉好靚,呢個咁Sweet嘅角色好啱佢做,佢演得好好。」

Profile

姓 名 :茍芸慧(Christine)

年 齡 :25歲

三 圍 :34、25、35

身 高 :170cm

體 重 :53kg

選美獎項 :08多倫多華人小姐及09國際中華小姐冠軍

專案組