容祖兒正在內地宣傳國語專輯《很忙》，四出接受訪問的她難免被追問感情事，她表示擁有一大堆男性朋友，但真命天子至今仍未出現，她笑說：「個個男仔見到我都話驚，我都唔知點解㗎！我諗係咪我雙眼太大，眼神太兇呢？我有諗過係咪要變得溫柔啲，但性格呢樣嘢真係好難改，何況依家都冇諗拍拖嘅嘢，心思都放喺工作上面。」不過，祖兒心裏亦有定下「嫁期」：「38歲啦！我希望38歲可以嫁得出，然後就退休。」但祖兒表示不會揀圈中人，因為男藝人有太多誘惑，很容易變得花心。

婚事不刻意張揚

提到最近幾位天王天后秘密結婚，祖兒說：「佢哋壓力好大，咁有名嘅人，付出比其他人多，相信鍾意佢哋嘅歌迷都會支持。」問到將來嫁人可會公開？祖兒笑說：「我贊成黎明嘅做法，就係大家都知道咗都冇辦法，但愛情呢啲事我唔會刻意張揚。」