09/09/2009

播放本新聞相關短片

Ana R.孖男友匿屋企賞月

昨日Ana R.與吳嘉龍為時裝品牌Pinko示範新裝，問到會否與男友共度中秋，Ana說：「應該會喺屋企賞月，因為個環境好靚。」她又自爆很喜歡吃月餅，但因太甜，所以一個月餅會分開三日食。問到好友樂基兒與黎明秘密結婚，Ana衷心祝福：「兩個相愛嘅人可以結婚係好開心，可能佢哋想保持私隱，唔講出嚟都合理！（你會唔會秘密結婚？）睇吓將來同邊個結婚先決定。」

吳嘉龍則表示爹哋吳耀漢回流返港，今年可以團聚過中秋：「爹哋最鍾意中秋節！之後會同佢去曼谷出席電影節活動。（係咪有電影參演？）係呀！同爹哋去睇吓！」