藝人被揭在美國秘密結婚陸續有來！無綫藝員苑瓊丹（原名：苑麗瓊）原來早於04年已跟黃乃揚在美國註冊結婚，秘密做了五年黃太。據知，黃乃揚是家族第三代後人，一直經營家族玻璃生意，身家相當豐厚，在香港擁有多個商用和店舖物業。
據知，苑瓊丹的前男友林正英逝世後，經過很長時間才忘掉傷痛，其後遇上現任丈夫黃乃揚，結果兩情相悅，至04年到美國結婚。苑瓊丹大方承認婚訊，並指沒有刻意隱瞞：「我冇隱瞞喎！係一直冇人問我咋嘛！就算我肯講都冇人信我會去到貨（嫁得出）啦！（老公身家豐厚？）佢大我10年，比例上都應該多過我，不過唔排除我遲啲會有錢過佢，可能到時係佢娶到個有錢老婆呢！」
