此外，有指在夜店識女仔、玩魔術及致電約會女方，天華坦言有印象對方是朋友的朋友：「我連佢個名都唔記得，當晚佢話好鍾意拍戲，主動問我有關拍戲嘅事，咁我冇理由唔答人啫！（同佢玩魔術？）我做乜要同佢玩魔術！（佢話你約佢？）我做乜搵佢出去，佢講到天花龍鳳都得㗎啦！佢要借題發揮我都冇辦法，我好無奈！（減少去夜店？）我唔能夠唔同所有人傾偈，唔通個個同我影張相，又話同我呢樣嗰樣咩！有時好多嘢要有證據，唔係亂講就得。」