周柏豪早前被本報踢爆與「翻版徐子淇」模特兒鍾浠文（Zelia）睇戲及撐枱腳，即傳出兩人打得火熱。雖然柏豪強調只是朋友，但Zelia日前大方表示不排除與他發展！柏豪昨日出席新劇記者會只表示多謝，自爆現時沒有拖拍：「真係冇。（做大話歌手？）唔係。（每晚都同對方傾電話？）好少傾電話，MSN多，收工開電腦見到佢咪會同佢傾偈！（有意追求？）順其自然，如果話冇，怕畀人影到就唔掂喇！」記者取笑他成為對方的「柴可夫」，柏豪大方承認：「我哋久唔久都有約出街，我又有車，接送佢都好正常。（上過佢屋企？）冇，佢都冇上過我屋企。」