甚懂享受人生的王祖藍，閒時最愛四處「覓食」，提到吃得最「豪」的一次，他激讚一間位於尖沙咀的餐廳：「嗰度個Set Dinner真係好好食，雖然成580蚊一位，連埋紅酒同加一嘅話，埋單每人都要成900蚊，但真係物超所值！首先個湯係日本清酒蠔湯，隻蠔好滑，個湯好清同好香，飲完之後真係齒頰留香；跟住個頭盤係三式帶子，半生熟帶子口感好有層次；仲有個主菜都好吸引，海膽加鮑魚，真係估唔到呢兩種食物可以咁夾，一碟餸可以一次過滿足幾種唔同嘅味覺，你話邊度搵！而且間餐廳好靜，好適合啲情侶去拍拖撐枱腳，所以我極力推介。」