樂隊Mr.成員Dash、MJ及Ronny都是電玩系收藏代表，Dash表示平日最留意數碼資訊，但最愛還是菲林相機：「呢個相機係我父母拍拖嗰陣用嚟影相，阿爸成日講佢哋拍拖嘅嘢畀我知，我細個阿爸都唔畀掂呢部機，依家大個就畀我用，我鍾意影低啲畫面同風景做回憶，希望呢部相機可以幫我識到女朋友！」

而Ronny則沉迷手機電玩遊戲，喜歡收藏各款手機遊戲，他說：「我、MJ同阿Tom成日都玩，為咗爭做最高分，絕對可以引起隊友之間嘅良性競爭！」MJ愛好音樂，珍藏品仍然不離音樂：「我最鍾意呢個結他練習機，用咗好多年，因為佢有齊錄音、Tuner同拍子機嘅功能，一有靈感就可以隨時作曲，係實用性高嘅珍藏物。」

喜歡與同學鬥波

至於Alan及Tom則屬於運動系收藏家，Alan手執心愛的乒乓球拍，回憶小學時的自己：「嗰陣勁鍾意打乒乓波，因為唔易受傷又唔會太曬，日日都同同學喺屋企樓下打，仲成日比賽，呢塊板陪我贏過好多場！」