07/09/2009

播放本新聞相關短片

張雨綺目標建立自家品牌

潮人余文樂與拍檔兼新緋聞女友張雨綺日前雙雙出席i.t上海旗艦店開幕,兩人還分享穿衣心得,張雨綺說:「穿的衣服一定要可以提升自我風格及有個性,女生挑服飾時首要合適,可以用飾物來突出自己。」張雨綺坦言對設計亦頗有興趣,欲建立自家品牌。

樂仔則表示着衫最緊要適合自己:「好似Eason(陳奕迅)Carry到啲好誇張嘅衫,而我就唔得。(每季置裝費?)唔好畀我知!我見到鍾意嘅衫會買兩件,跟住不停咁着,直到大家記得為止,咁先抵!」自嘲年事已高的阿樂,指注定與Hip Hop打扮無緣:「連戴頂帽都要斜嘅,我真係搞唔掂!我搵啱Style後就好少再試新嘢,相信嚟緊嘅秋冬各款皮褸都係潮男必備。」近年麥浚龍與羅志祥等均入侵時裝界,但阿樂卻表示冇信心搞設計:「等我有靈感先做!」