由九名社會人士聯合發起的《「無毒一生」行動》，昨日舉行開步禮。活動發起人之一的曾志偉表示，演藝界向來關注禁毒問題，希望能盡一分力，故正構思透過演藝人協會及香港電影工作者總會聯合開班，教授青年人演戲或其他興趣，讓他們遠離毒品。他希望能邀請曾受毒禍影響的演藝人士作呼籲，問到早前於日本藏毒被捕的衞詩是否目標之一？志偉說：「尊重每個藝人決定，如果佢哋講述自身經歷當然最好。其實我有好深切體會，所以好支持香港搞驗毒計劃，英國嗰邊都有搞，仲好成功，香港既然有，可以幫佢哋拒交損友。」

蘇永康：睇檔期

志偉發起禁毒呼籲行動，演藝界一呼百應。衞詩（Jill）的經理人公司發言人沈小姐說：「暫時未收到通知，係咪參與唔係最重要，最緊要係衞詩嘅行為，畀大家睇到佢過緊新生活。」關楚耀的唱片公司發言人則說：「曾志偉出到聲一定支持，但要睇咩形式。」

早年在台灣濫藥的蘇永康如今重新振作，他收到消息後透過經理人公司回應說：「要先睇檔期，我係唔會遮瞞之前犯過嘅錯，承諾唔會再發生。」