黎耀祥被揭逾十年前與太太在美國註冊結婚，他說：「估唔到咁耐嘅事大家都搵到，真係犀利！當時同太太喺當地註冊，但係同家人食飯、影結婚相等都係分開搞，所以冇咁辛苦。」

洪天明：「唔係唔想公開，講出嚟對某啲事有阻礙，唔可以怪我唔講。（同女友周家蔚有乜阻礙？）做嘢啦！我仲有好多女仔喺身邊，唔可以立亂穿（煲）住，等感情穩定啲至公開。（周家蔚揸你車買餸仲唔穩定？）好多人揸我車買餸，總之要公開時就會公開，唔使等二十幾年嘅！」

譚詠麟：「華仔出嚟之後冇晒o靚模，華仔做咗o靚模殺手。（好定唔好？）見仁見智……想睇舔雪糕。」

林子萱：「冇咁快結婚，如果結婚都會喺外國結。睇報紙見到楊千嬅即刻喊咗出來，好感動，不過唔接受年紀細過我5年嘅男友，將來丁子高35歲，千嬅都40歲啦！」