方力申（小方）由出道至今，曾與鍾欣桐（阿嬌）、鄧麗欣（Stephy）、傅穎及美少女廚神胡心諾（Rainbow）等傳緋聞，惟他從未承認戀情！不過近日黎明，劉德華及楊千嬅等藝人連環被踢爆婚訊及謊言，未知是否怕成下一個被揭對象，小方昨日與官恩娜（Ella）、HotCha等出席活動時，被問到是否大話歌手？身為活力大使的他坦承每個人都曾講大話：「只係講嘅時候係善意定惡意！」

揚言往印度結婚

問到是否現在有拍拖都否認？小方斬釘截鐵地說：「不嬲講緊大話！如果你依家問我幾年前有冇拍拖，我會答你！」早年他與阿嬌外遊返港斷正，「申嬌戀」成一時佳話，問到是否曾與對方拍拖？他即帶笑拉開話題：「唔好講，講番今日個活動！（Stephy呢？）唔係！」他坦承一直講大話，那麼曾被他否認的緋聞女友阿嬌及Stephy，豈非獲確認女友身份？

提到近日不少天王天后被踢爆婚訊，小方似乎有所領悟：「學識以後咩都話係『秘密』！（佢哋被指講大話？）每個人去到某個位，會有唔同處境！從此學識以後乜嘢都話係秘密！（喺拉斯維加斯結婚？）會去印度結婚！」自言一直講大話的小方，未知是否往印度取西經呢？曾兩度參加東亞運動會的他，對於今年沒有獲邀傳火炬而失望。問到是否受緋聞所累？他說：「唔關事，因為冇新緋聞！」另一邊廂，提到緋聞女友阿嬌的舞台劇被指減場數？麥浚龍昨日出席另一活動時說：「冇睇呢啲新聞！喺佢角度做好套劇先最緊要，其他嘢都唔喺佢控制範圍之內！」

官恩娜諗定BB名

至於大方承認蜜運中的Ella，甜笑表示未想過結婚：「冇咁快！（男友有冇求婚？）冇呀！不過都希望可以好似楊千嬅咁浪漫！」她還睇死自己會嫁唔出，至於是否有生BB計劃？她笑說：「男友都好鍾意小朋友，我哋久唔久都諗吓日後BB個名。」相當浪漫！