話說小小So之前喺一個音樂會度見到「英皇黑珍珠」鍾舒漫（Sherman），同佢傾開今年年初去美國進修跳舞嘅趣事，Sherman話喺嗰邊嘅古着店入咗好多貨，可以喺懷舊活動度大派用場喎，不過如果淨係可以「懷舊」，咪好難搵到機會着囉？
Sherman：梗係唔係唔止咁簡單啦，可以自己改o架嘛！
小小So ：吓？唔係啩？一件普通衫點改到可以出席大型活動呀？
Sherman：剪吓同加吓其他嘢就得啦，再唔係咪兩件加埋當一件囉！
小小So ：真係咁神奇？
Sherman：係呀！好似我今日呢條裙都係自己改㗎，啲羽毛係之前一個活動用過嘅頸巾，又環保又見得人！
講到呢度，小小So只能寫個「服」字畀Sherman，估唔到佢除咗身形好、唱功勁同畫畫叻之餘，連創意分都滿瀉，真係外在加內涵都爆晒燈！