許冠傑（Sam）稍後舉行演唱會，蔣怡將為音樂劇部分演出「海報女郎」一角，據知該角色曾有工作人員提議找o靚模上陣，但遭出品人高志森極力反對，他說：「o靚模太Cheap，影衰晒！唔適合做阿Sam演唱會嘉賓。之前同蔣怡合作過，覺得佢形象健康性感，一提議阿Sam都即刻通過。」
據知「海報女郎」出場時會從一張大海報中跳出來，所以蔣怡日前穿上泳衣拍攝該海報，昨日亦到紅館為演唱會綵排。問到心情會否很緊張？她說：「唔緊張，啲舞步都好簡單，能夠同歌神合作真係好榮幸，之前都係聽佢啲歌嚟學廣東話，好多謝高生（高志森）記得我。（演唱會上都着泳衣？）係呀！會好性感同狂野，但係健康嘅！」
由於阿Sam今次想以歌會友，所以宣傳近乎零，問到銷情如何？高志森說：「非常好，仲加多一場！原本六號阿Sam生日係尾場，依家變咗七號。（佢生日點慶祝？）呢個係秘密。」