03/09/2009

播放本新聞相關短片

林嘉欣贏韓影后升呢唔升價

本文重點
林嘉欣昨日由韓國凱旋而歸,當憶述大會宣讀奪得影后一刻,她即笑言於心中突然多添了一份使命感。提到片酬方面,嘉欣雖榮升影后,但表示仍只會收以往的「平實價」。

憑電影《親密》擊敗40國家對手,勇奪《第三屆韓國忠武路國際電影節》最佳女主角的林嘉欣(Karena),昨日由首爾凱旋回港,現場有二十多名傳媒及Fans恭「后」,她笑說:「咁多人嚇死人咩!」除了首奪影后,昨日亦是Karena的農曆生日,Fans特別準備花束、蛋糕及香檳等為她慶祝,還為偶像加冕,寓意奪得影后,令她甜在心頭,並即場豪飲香檳以示答謝。

忘記通知阿媽

雖然榮升影后,但Karena承諾片酬維持不變:「唔會加價,一向都係平實價。(宣布得獎時緊張?)一直都好平靜,喺上台前一刻先突然緊張。大會以英文介紹我係來自香港嘅女演員,即刻覺得多咗份使命感。」她坦言對觀眾仍有留意低成本製作而感到開心:「以後要拍更多好嘅電影,因為小本製作都會有人留意!(海外得獎感覺同香港有咩分別?)唔知呀,喺香港我未拎過女主角。(再下一城?)要好多方面夾埋,仲要靠運氣,唔恨得嘅。」她自爆出發前才記得通知媽媽:「佢知道後都緊張到瞓唔着。(鄭伊健有恭喜你?)冇呀!反而我同咗林珊珊通電話,佢話搵日食飯。」她表示現忙於籌備新片,故稍後才補慶祝。