有傳o靚界女神Angelababy獲英皇垂青，有意以八百萬簽三年的高價招攬旗下，實行與其緋聞男友陳偉霆拍住上搵真銀，但捧紅Baby的經理人Kim對Baby不肯完全放手，即使簽約英皇亦是以Co-management，大家共同擁有Baby。記者致電Kim，她否認：「絕對冇咁嘅事，一定唔會簽其他公司，就算Co-management都冇可能，因為唔需要。（簽英皇有助Baby喺歌、影上發展？）我哋依家都有做呢方面嘅嘢，好多工作傾緊。（有冇公司傾過簽Baby？）好多公司向Baby招過手，但我可以好肯定講我唔會賣女，我同Baby合作咁耐，關係好好。」Kim又否認八百萬簽三年的傳聞，揚言Baby不止八百萬這個價。而Baby昨日已出發到日本為Tokyo Girls Collection行騷，昨日她在Blog上放了最近為日本雜誌影相的照片。至於英皇方面亦澄清事件，唱片及藝人管理部總監霍汶希否認簽Baby，她笑着說：「我都覺得Baby冇咁平，冇考慮過呢個動作。」