昨日姚書軼和陳嘉容擔任Jean Paul Gaultier09秋冬時裝騷模特兒，對於三位模Angelababy、周秀娜及諸葛梓岐由香港鬥到日本，將在Tokyo Girl Collection天橋上決高下，姚書軼說：「唔靚唔緊要，只要有自信，就算好矮人哋都會見到你。（佢哋有啲比較矮？）日本模特兒平均唔高，企埋去唔會特別矮。（邊個最有自信？）覺得周秀娜比較Open啲，佢哋三個都見慣場面，要睇臨場表現，自己行慣騷，但有時都會緊張到手心出汗。三個各有優點，都後生同靚女，Kama（羅凱珊）都好甜！」她表示今年八月的工作明顯減少，問到是否被模搶生意？她說：「不嬲暑假都靜，今年罕有咁靜，唔一定o靚模湧現，經濟影響多啲，好彩平時都節衣縮食。」

戥黎明開心

提到去年本報獨家踢爆黎明與樂基兒結婚，姚書軼笑說：「上年傳出佢哋結婚時，我唔理真定假，即時恭喜佢，我好鍾意黎明，佢係我細個時心目中嘅白馬王子，好戥佢哋開心。」她認為他們毋須擔心Fans流失。另外，陳嘉容提醒模要注重守時，她表示曾試過因一名模特兒遲到，要在後台呆等，但她否認該遲到的模特兒是o靚模。