將於今年結婚的陳小韻，昨晚與陳豪、陳碧舸及莊思敏等出席Furla的ifc旗艦店開幕酒會。她表示與男友拍拖兩年，父母也十分滿意男友，只肯透露於今年在外國舉行婚禮，但亦會在港擺酒，現正積極籌備，更找來好友鄭兆良包辦婚紗晚裝。問到今年多位藝人被踢爆結婚？小韻說：「結婚係開心事，但我都唔會特別公布，但亦冇乜要特別隱瞞。（即刻生BB？）未諗住，下一步先諗，但依家唔會再做模特兒，想專注從商。（使唔使減肥？）減肥就例牌！但做嘢好忙，連做Facial都冇時間。（有冇人向你即興求婚？）冇！我唔係咁衝動嘅人，我好小心哋揀清楚。」至於爹哋對男友有何評價？她說：「我哋唔會去審核或評論佢，總之相處到。」