「嫩版胡敏珊」羅靖琋（Annabella）憑34F豐滿上圍打響名堂，卻想不到吸引一名「老細」以短訊問價，慘被誤認是援交女的她強調不會搵快錢，並承諾家人不會行差踏錯。
近日o靚模界的「援交」傳聞甚囂塵上，Annabella亦坦言收過問價短訊，對方更以高價利誘她出席飯局，嚇得她即時通知經理人：「經理人叫我咩都唔好理，我從來都冇覆過對方！」她力斥援交風氣影響o靚模形象：「唔好一竹篙打一船人，或者係有人咁做，但唔可以話晒全部！」
問到會否相信有o靚模做援交女？Annabella說：「唔知，我冇資格評論，我就一定唔會！我好有心喺呢行發展，唔想影響事業！（你係咪搵快錢嘅人？）唔係！我相信有呢啲人，人各有志，如果知道亦都唔會出聲，唔想捲入是非！」
保持健康形象
此外，Annabella表示家人一直相當支持她入行：「佢哋相信我唔會做呢啲嘢，我亦都同佢哋講我一定唔會咁，未來發展係健康形象！（幾多錢都利誘唔到？）係！我唔可以做啲傷害屋企人嘅嘢！」
細心有禮「順得人」
Annabella 雖然年資尚淺，但工作態度比入行多年的模特兒更合作，當攝影師要求她坐在熱辣辣的木板上擺甫士時，她毫不猶豫坐低。此外，由於拍攝當日天文台發出酷熱警告，她更細心提醒大家多飲水，當記者遞上紙巾給她抹汗時，她禮貌地說：「唔該！」
Profile
姓 名：羅靖琋（Annabella）
出生日期：1986年8月17日
三 圍：34F、24、35
身 高：162cm
體 重：105磅
嗜 好：聽歌、瑜伽、唱歌、閱讀
語 言：廣東話、普通話及英語