雷凱欣（Vonnie）昨日以SM造型為網上電玩遊戲《夢幻舞曲》擔任代言人，與男模大跳辣身舞拍廣告，她笑言早已認識該男模，知他很怕醜，故叫他大膽摸她，Vonnie又透露追求性感舞蹈：「我冇跳鋼管舞，但有玩櫈囉！（表演畀男友睇？）我未有男友，得個恨字。（有冇買性感喱士內衣？）我不嬲都有買開，有一個櫃只得內褲，仲係未着過添！之前仲發現有啲未着過嘅白色內褲都變黃。」
恨嫁的Vonnie坦言近期流行到拉斯維加斯結婚，她也不排除閃電結婚。至於經常以超性感打扮示人，會否嚇怕追求者，她說：「我有底線，呢個年代性感係美麗事，試問邊有男人唔鍾意另一半性感呀！」
