鄧紫棋（G.E.M.）、詩雅、江若琳、陳偉霆（William）和Square等前晚出席電影《愛出貓》首映，William透露已邀請家人到場支持，問到緋聞女友Angelababy會否出席？他甜笑指未有邀請：「之前我開音樂會請佢去睇，結果出咗好多花邊新聞，所以都係等遲啲佢買飛入場睇。」
剛從韓國返港的江若琳，對於林嘉欣在當地首奪影后，她指對方實至名歸：「佢好Sweet，把聲又好聽。」談到圈中三個天王天后被踢爆已婚，問她會否婚後才公布，她說：「我諗我一拍拖就公布，咁會冇咁大壓力，唔係就好驚畀人跟，相信Fans會體諒。」
另外，Square成員James發高燒、咳嗽、流鼻水和喉嚨痛等，昨午由助手陪往紅磡診所進行「流感快速測試」，結果只是患一般流感，在場即食退燒藥就匆匆趕往電台工作。