昨日Angelababy偕師妹楊汀叮與Sarah到海港城出席《reborn-絲路之旅藝術展》活動，她透露今日起程赴東京行騷，問到有否做好準備，她說：「我上咗Catwalk堂，對自己好有信心！（怕唔怕將你同周秀娜比較？）都預咗，自己做足一百分就OK！」問到郭富城「偷杧」事件？她說：「我都唔清楚，唔方便講咁多！（有冇安慰熊黛林？）冇呀！」至於會否擔心緋聞男友陳偉霆（William）偷食杧，她說：「食杧？佢偷食士多啤梨呀！其實我同佢係好朋友，我唔會阻住佢識女仔，千祈唔好用偷食字眼，識多啲異性朋友都係好事！（係咪識多啲女仔先知你最好？）食多啲生果，對身體好呀！」她又透露早前到北京拍攝由夏永康執導的電影，雖然William有份演出，但大家沒有同場拍攝。

Baby（左起）、楊汀叮和Sarah，昨日一同出席活動。	諸葛梓岐挑選新裝為攻日做好準備。	穿上和服的諸葛梓岐表示，不擔心與其他人比較。

爆周秀娜執二攤

另一邊廂，諸葛梓岐特意到銅鑼灣jft挑選品牌Delyle時裝與Duras和服，為攻日做好準備。至於有否必殺技迎戰Baby與周秀娜（Chrissie）？她表示做好本分，沒有刻意操弗，也不擔心被比下去。對於Chrissie的性感纖體廣告被禁播則全不知情，言語間更透露對方執她二攤：「之前佢嗰間纖體公司搵過我，問我可唔可以着比堅尼？我話唔得，之後又問我係咪價錢問題，我話係屋企問題。（Chrissie執你二攤？）唔好咁講，總之佢性感得健康，我就健康得高貴。」

文：名人組