與千嬅一起錄影的古巨基與薛凱琪（Fiona），被問到關淑怡被踢爆已婚，基仔即恭喜對方及反問記者：「乜依家啲科技咁犀利，咁多年前結婚都可以Check得到嘅？我結婚就唔會去拉斯維加斯！（驚畀人揭？）我可以好肯定咁講我冇結婚。」對於劉德華的處境，基仔似乎相當同情：「可能佢想維護另一半，或者另一半唔想公開呢！」基仔身邊亦有一名傳緋聞多年的助手女友Lorraine，問到是否其心聲？他說：「自己對感情嘢一向都好低調，講過無論有冇拍緊拖，都會話冇！同得古巨基拍拖嘅，都知道我係唔想咁高調。」
Fiona亦笑言有如此多藝人結婚是開心事：「呢行好難搵到伴侶。（你有冇註冊？）我連對象都冇！其實啲外國藝人拍拖或者結咗婚都係好平常嘅事，希望香港都可以做到咁，等啲藝人可以輕鬆啲。」她表示若真的拍拖，會待戀情穩定才考慮公開。