台灣名主持人阿雅從小封劉德華做偶像，她看到華仔在官網上道歉大感心疼，她笑言願當代孕媽媽：「曾在綜藝節目中為劉德華穿婚紗，按時間我是大房呢！若他求子不成，我願當代孕媽媽！」
肥 媽：結婚點解唔畀人知？好醜咩？不過華仔可能擔心Fans接受唔到而自殺，公開咗好啲，對另一半公平啲，有名有分嘛！公開咗仲可以令其他人唔好亂咁諗嘢！
白韻琴：大家唔需要對劉德華要求咁高，當佢偶像又唔需要當佢係模範，要學咪學佢勤力、上進，其他嘢咪畀啲空間佢，做藝人肯道歉咪得囉！唔需要咁認真，佢又唔係學者同領袖，冇乜大件事。（殃及池魚，揭咗你結婚同物業？）都冇法，我又冇隱瞞，其實我喺美國唔止得一間屋，係七間屋。
劉偉強：我覺得華仔出嚟道歉唔係同Fans，係為近日新聞炒作得咁勁而麻煩到人，所以咪Say Sorry囉！其實全世界都知華仔同朱小姐嘅關係啦！佢唔承認當然有自己苦衷！