蕭希榆（Ruby）為證明自己有樣、有腦及有身材，近期閉關埋首寫歌，籌備10月推出新碟！經理人瞄準Ruby在內地有知名度，計劃開兩部電影捧她做女主角，屆時她將成為雙線藝人！
早前在書展期間，Ruby推出附送兩首新歌MV的寫真集，成功谷出人氣，雖然銷量未及周秀娜，但有見賣出達7、8千本，Ruby覺得對自己及經理人公司有所交代：「雖然未算賺到大錢，不過反應咁好，已經心滿意足！對我嚟講，好似打咗支強心針，令我更有信心喺香港發展！」
變身才女寫歌
Ruby將以創作女歌手身份出碟，問到屆時可會「封胸」？她笑說：「都唔會刻意，睇吓到時天氣凍唔凍啦！如果有需要，我都可以性感，不過我唔係一個作風Open嘅女仔！」她透露EP碟會作3、4首歌，但她笑言暫時未夠功力填詞，惟有請港台填詞人幫手，但她不排除有靈感時，會親自執筆填詞。
另外，Ruby將於年底或明年初進軍電影圈，接拍由經理人公司出品的兩齣電影，首嘗當女主角的滋味：「電影工作都係好初步，因為要返內地拍，依家仲等緊批文，角色未可以講住！」
打破慣例玩濕身
Ruby打破歌手「封胸」慣例，在書展推出的寫真集中，大玩十多個不同性感程度的造型，除有噴血三點式外，還有用花灑射水自淋濕身，最激可算是僅穿內衣的瞓身照！為力谷寫真集，Ruby還自爆拍攝期間「M到」。
Profile
姓名：蕭希榆
生日：10月14日
三圍：33B、23、35
國籍：英國
嗜好：唱歌、煮飯及購物