舞池上璀璨生輝，練舞室內卻受傷無數，這正是定欣去年參加《舞動奇跡2》的寫照。她起初參賽只是鬧着玩，但愈跳愈認真，「不想輸」成為了贏取比賽的口號，最後雖失落冠軍，但已贏盡掌聲。

定欣擁有中國舞蹈底子，但要一下子把探戈跳得像蓮步生花，談何容易，她說：「我學過中國舞，同其他參賽者唔同，我唔係從零開始，好多人會Expect我會跳得比其他人好，但跳Tango、Rumber係另外一回事，要從頭學起，有底係有幫助，但幫得唔多！我不斷練習、受傷、再練習，雖然係痛苦，但完成到舞步會好開心！」

放大圖片	胡定欣為跳好舞步，經歷多次受傷。	胡定欣「唔輸得」，縱使受傷仍繼續。

領略勝負道理

比賽初期，定欣的表現無懈可擊，可惜因腿傷影響表現，面對出局邊緣卻未有放棄：「自問係一個唔輸得嘅人，惟有硬住頭皮繼續，我就係咁樣喇！」硬撐令演出回穩，卻帶來另一苦惱：「有人欣賞梗係開心！但每次要求做到最好，漸漸壓力愈大，愈發揮得唔理想，所以贏人最緊要贏自己，發揮最好已經係贏。」