梁靖琪（Toby）、伍詠薇、商天娥和楊思琦等昨日為無綫新劇《翻叮一族》試造型，Toby透露在劇中不僅與陳鍵鋒飾演情侶，同時亦被敖嘉年狂追，認真艷福無邊！對於有指她又做第三者介入黃宗澤與胡杏兒之間，Toby沒好氣地說：「都唔明點解成日話我係第三者，真係唔想呀！」

伍詠薇（左）與楊思琦拍照後雞啄唔斷。

商天娥和許紹雄合作拉茶，默契十足。

目標35歲結婚

她坦言報道並非事實，故不作回應：「多謝佢哋咁早就幫我宣傳。（次次都傳你係第三者？）係啦！唔知敖嘉年有冇女友，如果冇，我想同佢傳，唔想成日畀人話我係第三者，咁多次傳緋聞，淨係同吳卓羲傳係最正常，唔係話我係第三者。（幾時搵個真命天子？）緣分到、有就一定會介紹畀大家，希望三十歲前會拍拖，三十五歲結婚。」此外，Toby透露近日減少食量，故勁減十五磅令Cup數下降。

至於伍詠薇在劇中飾演「窩輪天后」，笑言被人稱呼作「輪后」，十分難聽！問到對投資是否有心得？她表示只是略懂，對投資亦十分保守，故金融海嘯未有太大損失。