周秀娜（Chrissie）為代言的詩琳美容公司拍攝的電視廣告，不但被指意識大膽，又被懷疑抄襲巴西一個啤酒廣告，共接獲逾155宗投訴！昨日她出席詩琳新店開幕時，大會指廣告因收到不同聲音而停播，令不知情的Chrissie大感愕然！她說：「我好鍾意呢個廣告，停播好可惜，不過只係暫時性。」問到下次拍廣告會否調高尺度，她表示只是滿足社會及客戶要求：「投訴只係一小部分，停播唔係我嘅決定，冇絕對啱或錯。我拍嘅時候唔覺得意識有問題，條片拍出嚟好靚，我畀自己好高分，如畀第二個人拍，我見到都有纖體嘅衝動！」

十足公主出巡的周秀娜，偕廣告商高層為新店剪綵。

放大圖片

原意玩幽默

其後，Chrissie換上另一條裙出席發布會，席上播出其師妹A. Lin任主角的廣告雜誌，經理人澄清A. Lin並非代言人，而該廣告雜誌將剪輯成新一輯廣告，代替被抽起的廣告。詩琳行政總裁陳裕丰說：「廣告原意係以幽默手法包裝，更加貼近年輕人。（損失好大？）冇損失，係生意一部分。（下次小心啲？）唔可以用『小心』字眼，我哋冇做錯任何事，但會謹慎處理。廣告冇問題，但有唔同聲音，會全面抽起！」