蔡卓妍：見到面會直接恭喜佢（千嬅），希望佢幸福！（驚唔驚結婚被踢爆？）唔擔心！（秘密結咗？）黐線，我結婚唔會刻意公開，唔會刻意隱瞞，唔需要同大家交代！（揀賭城註冊？）呢個地方太危險！（鄭中基求婚未？）唔想講！（即係求咗？）唔話你聽！
周慧敏：我同Leon係老朋友，戥佢開心，祝佢幸福。其實公唔公開由佢哋選擇，咁個人嘅嘢，應該尊重佢哋！
何韻詩：都想當眾宣布婚訊。（容祖兒話守尾門？）即係佢有落場踢緊啦！華仔係專一好男人，希望大家體諒佢難處。
蒙嘉慧：我結婚實會通知大家，想瞞都瞞唔到啦！我唔會做大話精，但唔會主動宣布，見到千嬅啲結婚相都戥佢好開心，祝福佢哋。
陳法拉：唔講唔等於呃人，工作需要！呢啲要諒解，始終佢哋係公眾人物。（結婚先講？）派帖先會畀人知。
古巨基：遲吓SMS恭喜佢哋。（當問他是否已婚，他突然用普通話說）我真的沒有！唔會去賭城結婚，可能去韓國。（怕高齡生仔？）盡快啦！