薛凱琪（Fiona）早前穿淺色爛牛仔褲加貼身白色背心，有型又能突出纖瘦身形。形象指導Celia為模特兒Cathy打造相似造型，教大家如何以簡單服飾凸顯型格。
陳慧琳御用形象指導Celia（黃欐堯）表示，Fiona造型是少女味的Casual Wear：「佢成個Look都好日本少女，同埋Fiona身形夠瘦，着窄背心好好睇，加埋條爛牛仔褲同埋Boot就更有個性，雖然造型簡單，不過佢頂帽非常正！平凡之中見不平凡！」
對於身形瘦削的女生應怎樣配搭服飾？Celia說：「瘦嘅女仔最好着番貼身衫，唔好嘥咗咁好嘅優勢，夏天好簡單咁襯件黃色Tee加短褲已經好青春活力。嚟緊秋冬都興黑色，瘦嘅女仔可以着呢件黑色背心，領位有啲Ruffles，有宮廷感覺，再加埋條Ruffles裙，咁又有啲Rock嘅感覺喇！」