模特兒莊思敏（Jacquelin）一向是愛車之人，雖然她生於富裕家庭，但工作後沒有向家人拿零用錢，而且買名車都是由自己負擔。她21歲剛考車牌後，將自己辛苦儲蓄的工資豪買一輛價值14萬元的三菱四驅車，可惜買車後不足一個月便「意外身亡」！
Jacquelin心痛地說：「前幾年考到車牌之後，自己就死慳死抵買少啲衫儲錢買車，有日喺街見到呢部車款式好型，而且四驅車又夠安全穩陣，細細架啱晒女仔揸。當儲夠錢後，自己就一次過畀咗14萬，買咗我人生第一部屬於自己嘅車，嗰陣真係覺得自己好豪、好滿足！但點知用咗唔夠一月就炒咗，十幾萬轉眼間化成灰燼，真係極度『肉赤』！」
