別看Eunix平日一副Rock女模樣，原來她是個不折不扣的性情中人，讀書時最愛寫信與朋友溝通，她更收藏了一大堆信紙，她說：「以前讀書冇Email，所以會同啲同學仔寫信交流，我又好鍾意行文具舖喎！見到啲靚嘅信紙就會忍唔住手買。其實我到依家都仲好鍾意行文具舖同買信紙，屋企啲信紙多到連個櫃塊板都墜到變晒形！」而更意想不到的是，Eunix原來很喜歡卡通人物，收藏了很多卡通信紙，尤其對三眼仔寵愛有加，她說：「好多人知道我鍾意三眼仔都好驚訝，話我個樣咁Cool，睇唔出我會鍾意卡通人物。」

李卓庭打算將珍藏捐給山區貧童，十分慷慨。

李卓庭Rock味甚重，想不到她竟是卡通筆的Fans。

捐珍藏助山區貧童

此外，Eunix非常喜歡卡通筆，她透露這些卡通筆全是她的前男友所送：「以前男友喺生產卡通筆嘅公司度做，佢知道我鍾意三眼仔之後，就成日攞啲貨辦返嚟送畀我，後來我就連其他卡通人物嘅筆都儲埋。」由於家中珍藏堆積如山，故Eunix考慮捐出部分珍藏：「我知道內地山區嘅小朋友資源好缺乏，一張紙、一支筆對佢哋嚟講都好重要，我準備將我一部分珍藏捐畀佢哋。」

母女寫信傳情

雖然寫信不及說話來得直接，但有感情得多，Eunix與媽咪同住，但兩母女多用書信溝通，她笑言因媽咪平時太惡，故很多事情不敢直接向她說，所以她便開始寫信，放在媽咪的枕頭底：「估唔到佢平時講嘢好惡，但都會好用心機咁回信畀我，初初入行時壓力好大，個人好暴躁，覺得連媽咪都唔了解我，於是我寫信畀佢，佢好有耐性回信，寫咗啲鼓勵說話，嗰一刻真係好感動！」