何尚謙（James）昨日與師妹林司敏、李蘊及陳偉霆宣傳新片《愛出貓》，李蘊主動餵James食橙，難怪James全程笑笑口，不過，當提及緋聞女友Kama被指另結新歡時，他忍不住說：「呢排因為私事唔開心，相信要用一段時間去平復，但唔會影響到我做嘢。我得閒會約朋友出嚟傾訴，Square其他成員都有安慰我，話我係好男仔，始終會搵到真愛。」暗示與Kama的一段情已成過去。

James坦言事業未有成，不能給予女生安全感，故短期內也不會再踏足情場：「可能我自卑啦！冇錢、冇事業點講其他呢？（唔敢再拍拖？）好彩我比較樂觀。（同Kama仲係唔係朋友？）我哋一直都係朋友，佢搵到幸福，我都祝福佢嘅，總之我依家以事業為重啦！（有冇問過佢係咪另有男友？）呢啲嘢自己Feel到啦！」

Kama最近與「新歡」Terry出雙入對，日前更雙雙出席友人飯局。 資料圖片	James（左起）、李蘊、林司敏與陳偉霆，合力炮製消暑飲品。	林司敏與陳偉霆玩遊戲時十分合拍。

陳偉霆等咀阿Sa

同場的陳偉霆自爆在新片中與師姐蔡卓妍（阿Sa）演情侶，並打趣表示非常期待：「好想咀阿Sa囉！大家私底下感情好好，我啲爛Gag真係好爛，所以想跟佢同導演王晶學吓，點樣為之拍笑片囉！」至於林司敏則表示剛接獲浸大通知，下月正式成為普通話教師文憑學生。