周秀娜（Chrissie）的瘦身廣告被指意識不良，最近狂收逾百宗投訴！昨日她與A. Lin、Hailey C.及Annie G.等出席足球活動時，為廣告大平反：「我覺得冇問題，拍得好靚，仲靚過上次（街頭脫衣廣告）添！嗰個係纖體廣告，要帶出纖體嘅訊息，朋友喺巴士睇到都讚拍得靚！」對於宿敵羅凱珊（Kama）被指覓得有米男友，Chrissie笑說：「我都成日上岸，因為我成日去游水！」但她無意效法Kama，更揚言待30歲才想結婚及生仔：「依家係搏殺期，我冇諗過秘密結婚，結婚一定會公開！」