劉德華自從被踢爆與朱麗倩的夫妻關係後，一直未有發表任何說話，只透過網誌向Fans道歉。昨日華仔繼續馬不停蹄開工，下午四時許從杭州飛抵北京，身穿便服的華仔看似有些疲態，對結婚一事仍採取封口態度，一批守候已久的Fans更向華仔送上紅封包。而華仔的助手在電話中透露華仔在北京工作，但未知會留多久，問到華仔現在心情怎樣？助手說：「未見到佢喎！未有回應。」

不少Fans覺得華仔有心隱瞞已婚，為平息Fans怒火，華仔日前主動在網誌上自爆想生仔，但又擔心高齡，要靠醫學方法增加太太成孕的成功率。事件引起各方關注，不少圈中人紛紛獻出生仔秘方，一擊即中的譚詠麟（阿倫）曾先後傳授過生仔心得給其他藝人，昨日他出席《太陽計劃》時亦笑騎騎說：「我好Open，等佢（華仔）電話啦！（佢擔心高齡喎？）高齡有高齡做法，由盤古初開自有妙法。」阿倫更為華仔被封「大話天王」解畫，他說：「唔好怪佢，可能擔心再發生楊麗娟過激Fans事件，佢出發點係好。（傷盡Fans心？）冇所謂，大家都見當日機場咁混亂，如果喺山度公布，分分鐘連棺木都爛埋，騷擾到先人就唔好，相信華仔都希望先人可寧靜同安息。」

鄧梓峰倡食生蠔增性慾

圈中出名的「多仔公」鄧梓峰本身已有兩女及一對孖仔，他坦言心理質素很重要：「華仔係天王，又有咁大隱瞞，壓力大好影響心理。食方面，我鍾意食酸嘢，食生蠔可增加性慾，仲要生仔嗰排成日跑步，做多啲運動。（阿倫話有招數？）講笑啫！」而三子之母羅霖則笑說：「我冇生仔秘方喎！如果問我點可以容易啲有BB，心情輕鬆就得。」