梁漢文：「恭喜丁太！佢結婚我冇愕然，有時結婚係要一股衝動，始終係兩個人嘅決定，有人鍾意同朋友分享喜悅，有人鍾意私隱啲，總之大家衷心祝福丁生、丁太白頭到老啦！（白韻琴話藝人講大話做咗壞榜樣？）有時藝人為咗保護一啲嘢至咁做，私人嘢我唔參與意見。」

HotCha：「恭喜！最戥千嬅開心，因為佢事業有成，依家又有美滿婚姻，都知佢等咗好耐，希望佢早日生BB啦！」

方皓玟：「我會發短訊畀千嬅恭喜佢！婚事對女仔嚟講好重要，依家搵到啦！希望佢快啲生小朋友。（收到請帖？）邊有咁快呀！之前見到佢都冇講。」

唐禹哲：「看到報紙都覺得很刺激！心想『嘩！那麼多人結婚了！』，劉德華是我偶像，他拖手一刻很帥，不管拖的是老婆還是女友，我都感動，將來我結婚會公開，想接受祝福。」

曾寶儀：「其實拍拖、結婚都係好正常嘅事，咩人結婚我都會戥佢哋開心，呢啲係喜事，恭喜晒！」

陳偉霆：「黎明同劉德華都係我嘅偶像，作為藝人要承受多方面壓力，就算講出嚟歌迷都未必都會明白，所以大家要體諒，我第時結婚會公布。」

胡杏兒：「戥佢哋開心。（驚訝？）佢哋辛苦咗咁多年，有自己嘅成績，大家都替佢哋開心，男嘅四十幾歲都應該，希望快啲生小黎明小劉華更好。」

吳國敬：「其實班Fans唔應該抨擊華仔，佢都係想畀幻想Fans！最緊要係華仔錫老婆，而老婆又對佢好，咁已經好開心。」