千嬅出嫁，前男友鄭中基透過唱片公司送上一句：「恭喜千嬅！」至於其現任女友蔡卓妍（阿Sa），昨日與陳偉霆於MegaBox出席《香港舞動馬拉松2009終極鬥un日》時，對於「舊情敵」秘密結婚，阿Sa聽到「舊情敵」即十分抗拒：「黐線！我同千嬅冇嘢！」不過她十分緊張事件進展，反問記者千嬅是否已回應：「等當事人回應咗先啦！旁觀者唔好去評論人哋嘅嘢！」
問到可會秘密結婚？阿Sa表示不需向大家交代，但她聲稱不會特別掩飾：「結婚係開心事，不過我未有耐啦！（歌迷催婚？）我今年至27歲，過咗30歲先催啦！（同鄭中基有默契？）隨緣啦！」另外，對於前緋聞女友千嬅已嫁，陳奕迅說：「好突然！我好窮，叫佢唔好畀帖我，我用SMS祝賀佢就得啦！」